طبيب بالشرقية : الكشف مجانى لغير القادرين

 د. أحمد راشد  يكتب :  كتب الدكتور أحمد راشد استشاري الجراحة العامة و مدير عام مستشفى القنايات المركزى الأسبق، علي صفحته الشخصية بالفيس بوك : 

تم بحمد الله نقل عيادة الدكتور أحمد رجاء عبد المنعم راشد، استشارى الجراحة العامة و مدير عام مستشفى القنايات المركزى الأسبق (جراحة عامة وتجميل*أورام*امراض الجهاز الهضمى*مسالك بولية) إلى شارع عبدالله ابو مصطفى المتفرع من شارع المؤسسة، و الكشف مجانى لغير القادرين...
مع دعواتنا بالصحة والعافية للجميع.....
***المواعيد /من 12 إلى 3عصرا
ومن 5إلى8مساء
الكشف مجانى يومى الاثنين والخميس
ت/01005284726

د. كمال فهمي يكتب : إنتشار الجهل و غياب العقل في مجتمعنا

أسرة موجز الأخبار تهنئ السفير محمد وهدان الخطوبة السعيدة.

تتقدم أسرة "موجز الأخبار "، بالتهئنة الحارة للزميل الفاضل السفير محمد وهدان، بمناسبة خطوبة نجلته الآنسة أمل. 

أقيم حفل الخطوبة في قاعة للمناسبات ضمت الأهل و الأحباب و الأصدقاء و مجموعة من الشخصيات العامة و السياسية و الإعلامية و الفنية حيث ملأت البهجة والسرور وجوه العائلتين. 

كل الأمنيات الطيبة بحياة سعيدة موفقة. 

نبيل مصيلحي يكتب : الكذب شجرة زقوم

الكدب 

شجرة 

زقوم

بتطرح بوم

بطعم النار

والعار

وقيح 

وصديد

الجرح

المفتوح

في حواري

الدنيا

الفانيه

الساكته

سكوت الموت

الدنيا

الخانكه

المليانه

بألوان التوت

والنبوت

الغني بيدوس

القوت / 

اللقمه المغموسه

بعرق الناس

الغلبانه

المسكينه

النايمه على الرصفه

عيال وبنات

نسوان

وشيوخ

بتعيش الموت

في الشتا

والصيف

الكدب

شجرة

زقوم

والدنيا

غيوم

وهموم

وضمير

غايب

معدوم

في الناس

إللي ما تخشى

الموت

وتلم فلوس

وفلوس

وفلوس

ما يهم أبوها

يعيش 

بلبوص

أو لابس

في شوال

الكدب عمود

النار

الحارق 

خضره ويابس

في بلاد 

الله

ويقش

نفوس

ونفوس

ونفوس

ملعون الكدب

المنفوش

في القلب

المسؤول

النايم بيشخر

والناس

بقراره

تموت

وتموت

وتموت

--

نبيل مصيلحي

محمود رمضان يكتب : على الأشواك

واديني يا دنيتي ماشي

بشنطة حزن عبيتها على كتافي 

لا انا عارف

لفين السكه واخداني

ولا عارف

ح يضعف إمتي مجدافي

ما تنصحنيش بإني ارجع

ما تندهنيش

ما نيش سامع

ما طول عمري

على الأشواك

بروح واجي

وانا حافي

       محمود احمد رمضان

السيد داود يكتب : قصة

..............................قصه .............................

قصه ومش محتاجه كلام

أنتى خيانتك واضحه تمام

كدابه وكدبك ح يبان

أما الحب ده كان اوهام

أنا صدقتك من اولها

كنتى الدنيا بكل جمالها 

عشت الحب ودقت غرامه 

وانتى بعيده بكل مشاعرك

قلبى لعبه انتى ملكتيها

ياما كتبت غناوى فى شعرك

لاجل عيونك كنت اهديها 

وأما اللعبه انكشفت فقت

دقت الجرح مكان ما عشقت

بس خلاص وحياتك تبت

غدرك بان ويا الايام

قصه ومش محتاجه كلام

بيعى هوايا وخونتى سنينى 

وانسى فى يوم لهفتى وحنينى 

وأنى بشوف الدنيا معاكى 

وانك كنتى النور  ف عيونى 

ياللى خيانتك طبع فى دمك

ياللى مفيش ولا شىء بيهمك

شايفه الدنيا فلوس ومظاهر 

كدبه كبيرة لقتها ف رسمك 

انتى بقيتى خلاص مالماضى 

قلبى خلاص من حبك فاضى 

بكره نصيبى يجينى فى يوم 

كله امل وغرام  وتراضى 

حب حقيقى مش احلام 

قصه و مش محتاجه كلام

نبيل مصيلحي يكتب : اللي باع الوطن

عمر إللي باع الوطن ما هيشتريه تاني

يعيش في جحر هواه رمادي وأناني

فار يقرقض فيه حتى ينول منه

وان يوم لقاه مجروح يدس فيه سمه

أمله يشوفه طريح يستنى يوم موته

وان يوم يموت الوطن بيبيعه من تاني

--

نبيل مصيلحي

الشاعر نبيل مصيلحي يكتب : هجرتني من غير سبب

أغنية 

هجرتني من غير سبب

ونسيت هواك والذكريات

ونسيت كمان قلبي إللي حب

وباعترف إنك بخيل .. وانك ماتعرفش الهوى

ولا همستك تشفي العليل .. ولا لقاك ينفع دوا

وجرحت قلبي وفوتني..يشمت عدو يفرح عزول

طب كنت سيب حبة حنين.. يطمنوا قلب استوى

وعشان أنا دايمأ أصيل.. واربت باب قلبي الحزين

وبعت طير قلبي يطوف.. يسأل عليك عمر السنين

وصيته ما يفوت البلاد.. ينده يشوف المجروحين 

يمكن تكون ناسي هواك.. وبعت وياه الحنين

هجرتني من غير سبب

ونسيت هواك والذكريات

ونسيت كمان قلبي إللي حب

--

نبيل مصيلحي

الشاعر نبيل مصيلحي يكتب : خليكوا شعلة نور

مش ممكن أكون إنت

ولا ممكن تكون أنا

دا  رب الخلق سوانا

روحين .. وجتتين إتنين 

ولما الموت هيجي

والميعاد جاي جاي

دا عمر ملك الموت 

ما يخالف الأقدار

هنرحل روحين

نتحاسب روحين

في الجنه أو في النار

تكون أو أكون .. نكون إتنين 

فكون حيث الإله أمرك

وابعد عما نهاك فعله 

بلاش أناك الموحشه جوه هواك 

الشهوه قهوة مزاج وقتي

وانا وقتي مش خالص من الأهوال

ولا وقتي مرهون على وقتك

الوقت سيف بتار يقطع رقاب العمر

يقفل عليه ما يبان جوه تابوت الموت

ما املكش غير صباح النصح من قلبي

وافرش نهاري شموس ما تغيب على الأحباب

وفاتح ضلفتين قلبي لكل شريف

الوقت شكله مخيف ومراره واقع متهم بالعيب

احنا   نسينا نفسنا والا اتنسينا 

ساعة ما نبدأ  عمل ننهيه بشكل مريع

حتي إللي سابه جدودنا بندوس عليه بغباوه

هوه  إحنا ناس ولا  إحنا حمير ننساق

ملعون أبوك يا سكات تقدر ولا تقولشي

قرفنا من تطبيل وزمر م المخابيل

أمات نفوس سوده عايشه في بير الخوف

عايشين عصا لنمرود  بيذل نفس الخلق

والحق نام في قلوب واتغطى بيشخر

صدا ميزان العدل والكف مقلوبه

مغلوب يا طير الخير مغلوب على أمرك

مطرود ياليل مطرود مهما يطول وقتك

لا فيه جنود تحميك يوم ما القدير يإذن

ربك بيمهل قوي سبحانه ما بيهمل

ياخدك ياليل مفتري أخذ العزيز مقتدر

الفجر جاي بميعاد جايب في ايده الصبح

وتقوم قلوب الخلق وتصحى كلمتها

تعلى لفوق السما وتهد كل جهول

وتزيح غيام البؤس من نفس كل ذليل

يا الصابرين صحصحوا  لما الأدان يدن

خليكوا  له جاهزين واتوضوا بالهمه

خليكوا شعلة نور تخرق عيون الليل

......

...

..

نبيل مصيلحي

إصدارات جديدة للأديب الكبير طنطاوى عبدالحميد طنطاوى بمعرض القاهرة الدولي

صدرت ثلاث كتابات جديدة للأديب الكبير طنطاوى عبدالحميد طنطاوى بعنوان "أنا القانون"، و "عاشت قرناََ من الزمن، "، و "جارس كهف الشيطان"، بمعرض الكتاب الدولي لعام 2022/2023 عن مؤسسة هبة بنداري للتنمية "دار واو للنشر و التوزيع" احدهم يتحدث عن التراث و حكايات ووقائع عن التاريخ المصري. 

عيد ميلاد سعيد الأديب الكبير نبيل مصيلحي

الأديب الكبير نبيل مصيلحي في يوم مولده :

اللهم أكرمني برضوانك فيما سبق وفيما آت من عمري يا أكرم الأكرمين ..

ساعات قليلة يكتمل عمري  ٦٧ عاما

"" "" "

إحتفل الشاعر القدير نبيل مصيلحي بعيد ميلاده ال ٦٧ بصحبة مجموعة من زملائه الأدباء في حفل بهيج ضم الأحباب و الأصدقاء و الأقارب .. 

كل عام و الشاعر الرائع بخير و سعادة.. 💐💐💐ميلاد سعيد 💐💐💐

كل عام و الأديب القدير بالف خير 🇪🇬

عيد ميلاد سعيد 🎂🎂🎂

ألف مبروك الزفاف السعيد

أسرة موجز الأخبار و مجلس إدارتها تهنئ سفير السلام و الإنسانية محمد مصطفى وهدان بمناسبة زفاف نجله سيد محمد مصطفى وهدان، و الذي أقيم في خفل بهيج بنادي بهتيم قاعة اللؤلؤة..ألف مبروك الزفاف السعيد و العاقبة عندكم في المسرات.