أغنية ..الشهيد ابن الوطن
الشهيد إيه الشهيد .. الشهيد مين الشهيد
الشهيد ابن الوطن .. ضحى بروحه للوطن
عشان يعيش حر وعزيز .. دمه الفدا كان التمن
الشهيد ابن الوطن
اسألوا الأرض إللي شربت من دماه.. اسألوها اسألوا
لا بينحني ولا يدي ضهره للطغاه .. اسألوها اسألوا
هوه منا..هوه حي .. هوه فينا حياه وضي
هوه رابض ع الحدود..يحمي مصر من المحن
الشهيد ابن الوطن
مستنياه فوق في السما.. الحور بالخلود
المسك بيفوح في الفضاء .. يملأ الوجود
هوه منا ..هوه حي..هوه فينا حياه وضي
هوه رابض ع الحدود.. يحمي مصر من المحن
الشهيد ابن الوطن
--
نبيل مصيلحي ٢٨ من نوفمبر ٢.٢٢ م
