ولا عمري أصدق إن الكره بيزرع شجر الحب
ولا عمري أصدق إن البستاني هيجرح يوم الورد
ولا عمري أصدق إنك شاعر وبينضح قلبك شعر
إزاي وانت الكره المليان بغروب وعيوب كالسيل
وانت المترصد بعيونك حسد الغير
وانت العطاط بنميمتك بتقطع عرض وشرف الناس
إزاي راح أصدق إن كلامك من صلبك خالص
وان مشاعرك خالصه من نور وجدانك
ما تقولش إنك طيب وابن اصول
وانت الحربايه بتتلون مع كل مكان وزمان
وباشوفك دايمأ نمرود
وباشوفك عفاريت تتنطط ببلابص
وباشوفك إبليس
فبلاش تحلف للناس إنك على حق
دا لأن الناس هتشوفك صح في أي زمان
وهتبعد حتماً عن جيرتك
الناس اللي تشوف الباطل وتطبطب .. رمادية
وبتهدر حق الغير
وميزان الله ما بيعرف غير العدل
وانك مرهون بخيارك للخل الصالح
اللي ينجيك م النار
أختار وبراحتك
--
نبيل مصيلحي
