مشوار من الاساطير
أنا وحدى
شايل
جينات الأرض
والسما والضي
إزاى أكون صنم
وإزاى أكون تمثال
أنا إنسان
أنا زرعه عايشه ع الميه
أنا كل شارع
وحاره وبيت
أنا حلم رفرف
بجناحات
صعب يصنعها المكن
أنا بكره اللى مخبى نفسه
لسه في جراب الزمن
أنا صفحة الماضى
مشوار من الاساطير
والخيال
دارى
أهلى وناسى وساحتى
ببقى في دايما على راحتى
بطير
فتبص روحى
من شبابيك الحقايق
يتكشف المستور
وألقى بينى وبين سمايا
سلمه
زى الى بينى وبين حبيبتى
إنما
بقى نور
ومتعشق في نور
محمود احمد رمضان
ديوان
حدوتة الشط البعيد
