يجي القمر ويروح
تيجي الشموس وتروح
والعمر يجي وليد
يكبر يشيخ ويروح
وانت الوحيد ع الأرض
تتمنى فيها خلود
تبني قصور
وصروح
ياعم يا إنسان
يا عجينة النسيان
سبحانه رب الكون
الخالق الديان
ومدبر الأكوان
الصبح كف النور
وش القمر بنور
والشمس دهبيه
والأرض بنوته
وسط الجمال
بتدور
الكون دا كله كنوز
مخلوق علشانك
يا عم يا إنسان
الموت أكيد جاي جاي
هتودع الدنيا
لا القطنه هتاخدها
ولا قصور ولا مال
عملك يا خوي وياك
يا ضلمه تسكنها
وعماها يبقى عماك
أو نور ينور لك
تبقى ف نعيم
مولاك
--
نبيل مصيلحي
