بلاش نبدأها بالغامق
ونفتح ألف جرح غويط
يخر الجرح أوجاعه
يبهدلنا ألم ونبيح
بلاش نفتح الأرشيف
نفر الذكرى ونشوفها
ونتحسر على امبارح
ولا نزنق في أنفسنا
ويدخل بينا كام ابليس
ونفتح باب مالوش ترباس
ويدخل كل شر خبيث
بلاش خلينا ناس عاقلين
دا يومنا مرحله هتفوت
ويمكن بكره نتصافي
وأحسن يبقى بينا الخير
عشان م الوحشه نتعافى
صباح طيب على الأحباب
امات قلوب حليب صافي
إللي في حب الله عايشين
وبيحبوا رسول الله
ماهو مش بالكلام الحب
دا لازم فعل بالتأكيد
سلامي للي يقراني
ويفهم قصدي كله الخير
دا بين اللحظه والتانيه
نكون بين أيادي كريم
ميزان الحق ما بيظلمش
وحسبي وجاهي مولايا
بصير بينا خبير وعليم
......
....
نبيل مصيلحي
