لقيتك
**********
زى الحلم لقيتك جايه
وبتاخدينى معاكي بعيد
احلي عيون بصت لعنيا
شفت الفرحه ويوم العيد
ايه ياجميله رماكي عليا
وللا دا وعد ف عمري جديد
نفسي أضمك بين احضانى
وانتى بحضن الشوق وخدانى
يبقي نصفنى بجد زمانى
والقي حياتى فيها جديد
شفت ملاك ماشي بيتهادى
كله براءه وكله حضور
شفتك انا وبعين العاشق
جيتى مليتى حياتى بنور
هو قدر وجمعنى معاكي
يعنى نصيب بينا ومقدور
قولي وهاسمع كل كلامك
فارس جايلك من احلامك
شاوري ف لحظه اكون قدامك
وباغنيلك احلي نشيد
انتى خلاص غيرتى حياتى
انتى بقيتى الدنيا بحالها
انتى مليتى براح اوقاتى
وجبتى الفرحه ومن اولها
بس دى فرحه كبيره عليا
قلبي لايمكن يستحملها
لو عندك نفس الاحساس
نشرب سوا من نفس الكاس
تبقي حياتنا بقالها اساس
اصل الحب مالوش مواعيد
زى الحلم
