مش هتاخد منها حاجه
وان طويت ف دروبها طي
أو هتتشعلق في عيدها
مهما طولت منه ضي
هيه فانيه بنت فانيه مهما طال بيها الزمان
هيه خدعه فارغه من كل الأمان
هيه بس ملبسايه طعمها بيفضل شويه
بعد حبه يروح أوانه يرجع المر ف لسانك
هيه حقه بت حلوه ساحره وجدانك وعقلك
قادره بتشقلب كيانك
لو في يوم بتجر رجلك روحت واقع آه لشوشتك
يبقى ذنبك ليها تعبد لما هتمصمص عضامك
شوف بقى لو إنت عاقل
بص هتشوفها عجوزه والزواق هوه ساحرها
رغبتك فيها رخيصه شهوه بتفارقك عبيطه
تنزل البحر الغويط إللي فيه الذنب حوت
ياكل الخير من زمانك
تبقى فيك ابليس لعين
تقضي عمرك
زي ميه اتسرسبت من بين صوابعك
هب أخد الله أمانته
هب لحظه وغسلوك
هب لحظه وكفنوك
هب شالوك فوق كتافهم
ع المقابر ودعوك
كلهم راحوا وسابوك
آه يا حزنك
لما تدخل قبر ضلمه
لما هتشوف عملك اسود
لما هتهته في ردك
لما النار هتشوفها دارك
لما قبرك راح يضمك ضمه بتكسر ضلوعك
لما تتحسر تشوف الجنه حلوه ومش بتاعتك
إيه بقى ما تقول لي رأيك
عايز الدنيا بدهبها .. وبفلوسها .. وبقصورها
إللي ما تساويش هبابه
والا عايز فضل ربك
